NAN NGAI TUK THEU LAI

[Siang Men Sung]

[Hrat Hmung]

 

[V 1]

Ram dang a kal hawidawt hna

A lang lo lai khua in ee

 

Ringawn aw dawh zaihla he

Ngaihnak thawng kan I hal hna

 

Dam tein nan um hna maw?

Thawngpang dang hna a tha maw?

 

Lairam nan kaltak zan cu 

Kan thlavai kiang tuk cio hna.

 

Ni lin lakah thlanti he

Rianhrang nan tuan zawng ahcun

 

Kan Lairam cerhti kik te

Nan ngai tuk theu lai ka ti

 

Nan retheih thabat can ah 

Nan I dor tawnnak Lairam

 

Runrep lo nan inn te kha

Nan ngai tuk theu lai ka ti.

 

Thal khua nih hung pau than I.

Tlangkip meithang zam hna le

 

Thankawng fiakfaiva hna nih 

Lairam thingpar sang cungain.

 

Lungleng ngai in rung awn kaw,

Liam cia zuunthing hlawi than hna

Zaang tlung kho lo kan semnak,

Lairam nan kaltak zan cu.

 

Ram dang kan um zong ah ee,

Kan philh lai lo khua te kha

 

Kan rak ngai tuk cang tiin,

Thawng nan rak hall io can ah,

 

Hawidawt cheu khat cu leidai

Tang an liam can gee, ti thawng hna

 

Nan theih Zawnah nan lunglen

Zeidek lawh ve hnga ka ti.

 

Laimi cu kan ram a hme 

Minung nih kan tlawm fawn i.

 

Nan rak kir than zawn ahcun

Lairam rak panh te uh mu,

 

Miteaw le kebei lawng nih,

Ram an hruai kohti lo e.

 

Hmaihngal pi tlak lai pasal 

Lairam nih an ngai tuk cang.

 

Lungretheih nan ton caanle 

Nan lung hnabei dongh can ah,

 

Cuangchin a thu Mangbawi sin

Khupbil thlaza cam uh law

 

Kum can a liam lengmang bang

A liammi na can hna kha

 

Man ngei tein, hman I zuam,

Lairam thanchonakcaah.