KALTIR RAWH LE

Phuahtu: Puipuii Hauhnar

Satu: Jenny Jathang

 

[V1]

I beiseina zawng leh i hlimna a bo maw?

Lungngai a rumin thinlung hliam mittui far nen;

A na a ni tiraw hmangaih ber chan chu?

Tu hriatpui siloh dam ten tawrh thiam a har a ni.

 

[V1.1]

Mahse, eng chen nge maw i tawrh reng dawn le?

A tel lo chuan tia i nghah reng khan;

A kalsan tawh che, thu in tiam zawng te nghilh in,

Nang lo a hlimna dang panin a liam tawh e.

 

[CHO]

Ani vang khan i ngui reng dawn em ni?

I thinlung hliamin a liamsan ta che hi;

I huaisenna leh i chakna zawng nen khan,

Thlah liam tawh rawh le, kaltir zawk mai rawh le.

 

[V2]

I hmelma tenawm ber lakah i neih zawng i chan,

Ani nen engkim tia i lo suangtuah khan;

A kalsan che a, in kar a tawp tiin,

"A na em e" tiin i rum fo maw?

 

[V2.1]

A pawi lo e, engkim nghilh tawh zawk la,

Hmalam chauh thlir la beiseina thar dilin,

I mittui zawng kha ani khan a phu mawlh lo tiin,

A tel lohna i hringnun chu zawh tan rawh le.

 

[V3]

A na a ni tiraw hmangaih ber chan chu?

Tu hriatpui siloh dam ten tawrh thiam a har a ni;

Mahse, hei hi hria la i tana khuanu ruat,

I mittui zawngte hru hul tur